जळगाव: जळगावातील एमआयडीसी पोलीस ठाण्यांतर्गत असलेल्या अयोध्या नगरमध्ये एका बंद घरातून चोरट्यांनी तब्बल ३ लाख ५० हजार रुपयांचे सोन्या-चांदीचे दागिने चोरले आहेत. ही घटना स्वामी दर्शन अपार्टमेंटमध्ये घडली.
आरती कृष्णा शिंपी (वय ४९) या आपल्या कुटुंबासह २७ ऑगस्ट रोजी मुंबई आणि सुरतला गेल्या होत्या. ५ सप्टेंबर रोजी त्या घरी परत आल्यावर त्यांना चोरी झाल्याचे लक्षात आले. अज्ञात चोरट्यांनी त्यांच्या बंद घराचे कुलूप तोडून आत प्रवेश केला. घरातील कपाटातून त्यांनी ३ लाख ५० हजार ७५० रुपयांचे दागिने चोरले. यामध्ये आरती शिंपी यांच्या मैत्रिणीचे दागिनेही होते.
घटनेची माहिती मिळताच एमआयडीसी पोलिसांनी घटनास्थळी धाव घेतली. या प्रकरणी अज्ञात चोरट्यांविरुद्ध गुन्हा दाखल करण्यात आला असून, पोलीस उपनिरीक्षक चंद्रकांत धनके पुढील तपास करत आहेत.
