घरफोडी करून ७१ हजारांचा ऐवज लंपास
दरवाजाचे कुलूप तोडून रोकड व सोने-चांदीचे दागिने चोरट्यांनी केले गायब
जळगाव | प्रतिनिधी
चाळीसगाव तालुक्यातील खडकेसीम येथे अज्ञात चोरट्यांनी बंद घराचे दरवाजाचे कुलूप तोडून घरात प्रवेश करत रोख रक्कम आणि सोने-चांदीचे दागिने असा एकूण ७१ हजार रुपयांचा ऐवज लंपास केल्याची घटना उघडकीस आली आहे.
ही घटना १३ जुलै रोजी उघडकीस आली. चोरट्यांनी घरातून ६० हजार रुपयांची रोकड तसेच सोने-चांदीचे दागिने चोरून नेल्याचे फिर्यादीत नमूद करण्यात आले आहे.
याप्रकरणी मेघराज बाळू बोरसे (वय २९, रा. खडकेसीम, ता. चाळीसगाव) यांनी १४ जुलै रोजी मेहुणबारे पोलीस ठाण्यात फिर्याद दिली. त्यानुसार अज्ञात चोरट्याविरुद्ध गुन्हा दाखल करण्यात आला असून पुढील तपास मेहुणबारे पोलीस करीत आहेत.
