बंद घर फोडून चोरट्यांनी मारला साडेसहा लाखां च्या ऐवजावर डल्ला !
अमळनेर तालुक्यातील वावडे येथील घटना
अमळनेर प्रतिनिधी सुरत येथे नातेवाईकाच्या घरी बाहेरगावी गेले असता अज्ञात चोरट्यांनी घर बंद असल्याची संधी साधून घरातील रोकड सर डाग दागिने असा एकूण साडेसहा लाख रुपयांच्या मुद्देमाल लंपास केल्याची घटना 28 जानेवारी रोजी अमळनेर तालुक्यातील वावडे येथे उघडकीस आली असून याप्रकरणी अज्ञात चवट्यांविरुद्ध गुन्हा दाखल करण्यात आला आहे.
सूत्रांनी दिलेली माहिती अशी की संजय पाटील हे तालुक्यातील वावडे येथे वास्तव्याला असून ते त्यांच्या नातेवाईक हे आजारी असल्याने ते सुरत येथे बाहेरगावी गेले होते. दरम्यान, २५ रोजी ते सहकुटुंब घरी परतले. २८ रोजी पैसे लागणार असल्याने त्यांनी कपाट उघडून पाहिले असता त्यातील ३ लाखांची रोख रक्कम, ९५ हजाराचे १९ ग्रॅमचे सोने, ८५ हजाराच्या १७ ग्रॅमच्या सोन्याच्या ३ अंगठ्या व १ लाख ७५ हजाराची ३५ ग्रॅमची सोन्याची मंगलपोत असा ऐवज चोरी झाला आहे. संजय पाटील यांनी दिलेल्या फिर्यादीवरुन मारवड पोलिसांत अज्ञात चोरट्याविरुद्ध गुन्हा दाखल करण्यात आला.
