विनापरवाना सागवानी लाकडांचे पलंग आणि सोफासेट घेऊन जाणारे वाहन पकडले ¡

विनापरवाना सागवानी लाकडांचे पलंग आणि सोफासेट घेऊन जाणारे वाहन पकडले ¡

रावेर वनपरिक्षेत्रच्या गस्तीपथकाची सावदा गावाजवळ कारवाई

जळगाव प्रतिनिधी

मौजे सावदा गावाजवळ 26 जानेवारी प्रजासत्ताक दिनी रात्री एक वाजेच्या सुमारास विनापरवाना सागवानी लाकडांचे पलंग आणि सोफासेट असा मुद्देमाल घेऊन जाणारे वाहन रावेर वनपरिक्षेत्र च्या गस्तीपथकाने पकडले असून सुमारे दोन लाख रुपयांचा मुद्देमाल जप्त करण्यात आला आहे,

सूत्रांनी दिलेल्या माहितीनुसार 26 जानेवारी रोजी रावेर सावदा रस्त्यावरील मौजे सावदा गावाजवळ रात्री पाऊण वाजेच्या सुमारास  वनपरिक्षेत्र अधिकारी यांना मिळालेल्या माहितीनुसार टाटा कंपनीचा एम एच 04 एफ जे 3248 क्रमांकाच्या वाहनाला थांबवले असता यात सागवान चे चार पलंग आणि एक सोफा सेट आढळून आला. याबाबत वाहनचालक गणेश भिमराव खैरनार वय 27 रा. जळगाव याला परवाना बाबत विचारले असता त्याने कुठलाही परवाना नसल्याचे सांगितले.

बाजारभावाप्रमाणे या सागवानी साहित्याची 64,500 इतकी किंमत असून मालवाहतूक करणारे वाहनाची किंमत एक लाख 26 हजार रुपये असा एकूण एक लाख 90 हजार पाचशे रुपये चा मुद्देमाल जप्त करण्यात आला आहे.

ही कारवाई धुळे वन संरक्षक निनू सोमराज, यावल वनविभाग उपवनसंरक्षक जमीर शेख, विभागीय वनाधिकारी आर आर सदगीर, चोपडा सहायक वन संरक्षक प्रथमेश हडपे, सहाय्यक वनसंरक्षक यावल वन विभाग समाधान पाटील यांच्या मार्गदर्शनाखाली वनपरिक्षेत्र अधिकारी राहावे अजय बावणे, रवींद्र सोनवणे, सुपडू सपकाळे, जगदीश जगदाळे आदींच्या पथकाने केली,