जळगाव तालुक्यातील फुपनगरी फाट्याजवळील घटना
जळगाव प्रतिनिधी;- काम आटोपून घरी जाणाऱ्या दोन तरुणांच्या दुचाकीला भरधाव वेगाने डंपर ने दिलेल्या धडकेत दोघे तरुण जागीच ठार झाल्याचे घटना आज सायंकाळी साडेपाच वाजेच्या सुमारास तालुक्यातील फुप नगरी येथे आज 19 रोजी घडली. याबाबत तालुका पोलीस स्टेशनला अपघाताची नोंद करण्याचे काम उशिरापर्यंत सुरू होते.
पंकज शंकर कोळी (वय 26) आणि कृष्णा उर्फ अमोल आनंदा कोळी (वय 27 दोन्ही रा. घार्डी ता. जळगाव) अशी मयत तरुणांची नावे आहेत.
पंकज कोळी आणि अमोल कोळी हे दोन्ही जळगाव तालुक्यातील घार्डी येथील रहिवासी असून ते सेंट्रींग काम करून आपला उदरनिर्वाह करतात. आज 19 डिसेंबर रोजी सायंकाळी साडेपाच वाजेच्या सुमारास ते दुचाकी क्रमांक (एम एच 19 – एबी 34 46) ने कामे आटोपून घरी गावाकडे जात असताना डंपर (क्रमांक एमएच 19- झेड 8067) समोरून जोरदार धडक दिल्याने पंकज आणि अमोल हे दोघे ठार झाले. घटनेची माहिती कळताच नागरिकांनी घटनास्थळी मदत कार्य केले. पंकज कोळी यांच्या पश्चात आई वडील भाऊ बहीण असा परिवार असून अमोल कोळी यांच्या पश्चात पत्नी दीड वर्षाची मुलगी व आई वडील भाऊ बहीण असा परिवार आहे. याबाबत उशिरापर्यंत तालुका पोलीस स्टेशनला नोंद करण्याचे काम सुरू होते.
