रतनलाल सी. बाफना ज्वेलर्सचे ‘द फर्स्ट लूक’ प्रदर्शन जळगावात सुरू
जळगाव: सुवर्णप्रेमींसाठी एक खास भेट म्हणून, रतनलाल सी. बाफना ज्वेलर्सने ‘द फर्स्ट लूक’ या भव्य दागिन्यांच्या प्रदर्शनाचे आयोजन केले आहे. हे प्रदर्शन जळगावातील काव्य रत्नावली चौकातील ओंकार लॉन्स येथे आज, २ सप्टेंबरपासून सुरू झाले असून, ते ४ सप्टेंबर २०२५ पर्यंत दररोज सकाळी १० ते रात्री ९ या वेळेत सर्वांसाठी खुले राहणार आहे.
विविध प्रकारचे आकर्षक कलेक्शन
या प्रदर्शनात ग्राहकांना दागिन्यांचे नवनवीन आणि आकर्षक डिझाइन्स पाहायला मिळत आहेत. यामध्ये द मिनी एडिट कलेक्शन, द मेटल अँड मेटल कलेक्शन, द कलर कोड कलेक्शन, द रॉयल रिव्हायव्हल कलेक्शन आणि द फेदरलाईट कलेक्शन यांसारख्या विविध श्रेणींचा समावेश आहे. प्रत्येक कलेक्शनमध्ये आधुनिकतेची झलक, पारंपरिकतेचा स्पर्श आणि कलात्मक कल्पकता यांचा सुंदर मिलाफ आहे.
रतनलाल सी. बाफना ज्वेलर्सचे संचालक सुशीलकुमार बाफना आणि सिद्धार्थ बाफना यांनी सांगितले की, हे प्रदर्शन केवळ खरेदीपुरते मर्यादित नसून, जळगावकरांसाठी एक अविस्मरणीय अनुभव आणि सुंदर आठवण ठरेल. ‘कलात्मकता, नावीन्य आणि गुणवत्ता’ या तीन मूल्यांवर आधारित असलेले हे दागिने ग्राहकांना नक्कीच आवडतील, असा विश्वास त्यांनी व्यक्त केला.
