‘इमर्जन्सी’ चित्रपटातून आणीबाणीच्या काळातील ऐतिहासिक मागोवा- देवेंद्र फडणवीस
मुंबई: ‘इमर्जन्सी’ चित्रपटातून आणीबाणीच्या काळातील ऐतिहासिक मागोवा घेण्यात आला असून, या कालावधीतील घटनाक्रम अचूकपणे टिपण्यात आल्याचे मुख्यमंत्री देवेंद्र फडणवीस यांनी सांगितले.
इमर्जन्सी या चित्रपटाच्या विशेष शो चे आयोजन बीकेसीतील पीव्हीआर येथे करण्यात आले. या वेळी चित्रपटाच्या नायिका कंगना राणावत, मंत्री मंगलप्रभात लोढा, आमदार प्रवीण दरेकर, आमदार प्रसाद लाड, चित्रपटाची संपूर्ण टीम आणि प्रेक्षक उपस्थित होते. मुख्यमंत्री फडणवीस म्हणाले
की, आणीबाणीच्या कालावधीत भारतरत्न डॉ. बाबासाहेब आंबेडकर यांचे संविधान बाजूला ठेवण्यात आले. मात्र, ही घटना देशाच्या प्रत्येक नागरिकांस माहिती होणे आवश्यक आहे. आणीबाणीच्या कालखंडात नागरिकांचे अधिकार काढून घेण्यात आले होते. लोकशाहीवरील या संकटाची माहिती देशातील नागरिकांना कळणे गरजेचे आहे, असेही प्रतिपादन फडणवीस या वेळी केले. अभिनेत्री कंगना राणावत यांनी स्वर्गीय इंदिरा गांधी यांची भूमिका अतिशय उत्तम रंगवल्याचेही मुख्यमंत्री फडणवीस यांनी सांगितले
