राज्यात आठ आयएएस अधिकाऱ्यांच्या बदल्या
राधाविनोद शर्मा मीरा-भाईंदर महापालिकेचे नवे आयुक्त
मुंबई – राज्य शासनाने गुरुवारी आठ आयएएस अधिकाऱ्यांच्या बदल्या केल्या असून, काही अधिकाऱ्यांना महत्त्वपूर्ण जबाबदाऱ्या देण्यात आल्या आहेत. यामध्ये राधाविनोद शर्मा यांची मीरा-भाईंदर महापालिकेच्या आयुक्तपदी नियुक्ती करण्यात आली आहे.
बदल्या झालेल्या प्रमुख अधिकाऱ्यांची यादी
राधाविनोद शर्मा – यापूर्वी एमएमआरडीएचे सहआयुक्त असलेले शर्मा आता मीरा-भाईंदर महापालिकेचे आयुक्त म्हणून जबाबदारी सांभाळतील.
एम. जे. प्रदीप चंद्रन – उद्योग महासंचालनालयात अतिरिक्त विकास आयुक्त असलेले प्रदीप आता पुणे महापालिकेचे अतिरिक्त आयुक्त म्हणून नियुक्त झाले आहेत.
बाबासाहेब बेलदार – छत्रपती संभाजीनगरचे अतिरिक्त विभागीय महसूल आयुक्त पदावर असलेले बेलदार आता त्याच ठिकाणी अल्पसंख्याक विकास आयुक्त म्हणून कार्यरत राहतील.
जगदीश मणियार – छत्रपती संभाजीनगर स्मार्ट सिटीचे मुख्य कार्यकारी अधिकारी (CEO) असलेले मणियार आता जालना जिल्हा परिषदेचे मुख्य कार्यकारी अधिकारी म्हणून जबाबदारी सांभाळतील.
गोपीचंद कदम – सोलापूर स्मार्ट सिटीचे CEO असलेले कदम यांची अतिरिक्त आयुक्त, आदिवासी विकास; ठाणे या पदावर बदली झाली आहे.
वैदेही रानडे – एमएसआरडीसीच्या सहव्यवस्थापकीय संचालक असलेल्या रानडे यांची रत्नागिरी जिल्हा परिषदेच्या मुख्य कार्यकारी अधिकारी (CEO) म्हणून नियुक्ती झाली आहे.
डॉ. अर्जुन चिखले – विदर्भ विकास मंडळाचे सचिव असलेले चिखले आता शुल्क नियमन प्राधिकरण, मुंबईचे सचिव म्हणून जबाबदारी सांभाळतील.
डॉ. पंकज आशिया – यवतमाळ जिल्हाधिकारी असलेले आशिया यांची अहिल्यानगर जिल्हाधिकारी म्हणून बदली करण्यात आली आहे.ज्या
प्रशासकीय व्यवस्थेत बदलाचे वारे
या बदल्यांमुळे महत्त्वाच्या शासकीय विभागांमध्ये नवीन नेतृत्वाला संधी मिळाली आहे. प्रशासनाच्या दृष्टीने या निर्णयाने विकास योजनांना गती मिळेल, अशी अपेक्षा आहे.
