भरधाव रिक्षाने दिलेल्या धडकेत वृद्धाचा मृत्यू
कुसुंबा गोशळेतजवळील घटना
जळगाव प्रतिनिधी
कुसुंबा येथील गोशाळेत जवळून पायी जाणाऱ्या 81 वर्षीय वृद्धाचा भरधाव रिक्षाने दिलेल्या धडके त मृत्यू झाल्याची घटना 24 रोजी सकाळी साडेअकरा वाजेच्या सुमारास घडले असून या प्रकरणी अकस्मात मृत्यूची नोंद करण्यात आली आहे.
मनोहर बाबुराव जोशी (वय ८१, रा. साई सिटी कॉलनी, कुसुंबा) असे मयत वृद्धाचे नाव आहे.
जळगाव तालुक्यातील कुसुंबा येथील साई सिटी कॉलनीत राहणारे मनोहर जोशी हे गावातील शंकर पार्वती मंदिरात पुजारी म्हणून सेवा करीत होते. दरम्यान, सोमवारी दि. २४ रोजी सकाळी ११. ३० वाजता मनोहर जोशी हे गोशाळेजवळून पायी जात असतांना त्यांना अज्ञात भरधाव रिक्षाने जोरदार धडक दिली. वृद्धाला धडक दिल्यानंतर रिक्षा चालक तेथून पसार झाल्याची माहिती ग्रामस्थांनी दिली. जखमी मनोहर जोशी यांना तत्काळ उपचारासाठी शासकीय वैद्यकीय महाविद्यालय व रुग्णालयात आणले असता वैद्यकीय अधिकाऱ्यांनी तपासून मयत घोषित केले.
याप्रकरणी एमआयडीसी पोलीस स्टेशनला गुन्ह्याची नोंद करण्यात आली आहे, मनोहर जोशी यांच्या पश्चात पत्नी, मुलगा, सून, नातवंडे असा परिवार आहे.
