बिग ब्रेकिंग : बोगीमध्ये आग लागल्याच्या अफवेने प्रवाशांनी मारल्या उड्या
दुसऱ्या बाजूने येणाऱ्या कर्नाटक एक्सप्रेसने अनेक प्रवाशांना चिरडले !
परधाडे रेल्वे स्थानकाजवळील घटना
जळगाव प्रतिनिधी
जिल्ह्यातून एक मोठी बातमी समोर येत असून पुष्पक एक्सप्रेसच्या बोगीला आग लागल्याची अफवा पसरल्याने घाबरलेल्या प्रवाशांनी रेल्वेतून उड्या घेतल्या. मात्र दुसऱ्या बाजूने येणाऱ्या कर्नाटक एक्सप्रेस खाली आल्याने अनेक प्रवाशांचा मृत्यू झाल्याची दुर्दैवी घटना आज दुपारी साडेतीन वाजेच्या सुमारास घडली असून मृतांचा आकडा नेमका किती आहे हे समजू शकलेले नाही. दरम्यान रेल्वे प्रशासनाने मदत कार्य सुरू केले असून याअपघातामध्ये किती प्रवाशांना हे आकडेवारी रात्री उशिरापर्यंत समजणार आहे.
पुष्पक एक्स्प्रेस मुंबईकडे जात असताना, ट्रेनच्या ब्रेकमुळे चाकांमधून ठिणग्या उडाल्या. ठिणग्या पाहून काही प्रवाशांनी आग लागल्याचा संशय व्यक्त केला, ज्यामुळे अफवा पसरली की ट्रेनला आग लागली आहे. त्यामुळे सुमारे 30-35 प्रवाशांनी धावत्या ट्रेनमधून उड्या मारल्या. त्याचवेळी समोरून येणाऱ्या बंगळुरू एक्स्प्रेसने हॉर्न न वाजवता या प्रवाशांना चिरडले.
या भीषण अपघातात 6-7 जणांचा मृत्यू झाल्याची शक्यता व्यक्त करण्यात येत आहे, तर अनेक प्रवासी जखमी झाले आहेत. जखमींना तातडीने जवळच्या रुग्णालयात दाखल करण्यात आले आहे. मात्र मृतांचा अधिकृत आकडा अद्याप स्पष्ट झालेला नाही.
